വടക്കാഞ്ചേരി നഗരസഭ സ്റ്റാന്റിങ്ങ് കമ്മിറ്റി

വടക്കാഞ്ചേരി നഗരസഭയിൽ വിവിധ  സ്റ്റാന്റിങ്ങ് കമ്മിറ്റികൾ 03-11-2015  നിലവിൽ വന്നു. എല്ലാ വകുപ്പുകളിലും ചെയർമാൻ സ്ഥാനം LDF സ്വന്തമാക്കി .  വിവിധ വകുപ്പുകളും ,അംഗങ്ങളും താഴെ കൊടുക്കുന്നു.

വടക്കാഞ്ചേരി നഗരസഭ ചെയർ - പേഴ്സണ്‍ , വൈസ്. ചെയർമാൻ തിരഞ്ഞെടുപ്പ്

വടക്കാഞ്ചേരി നഗരസഭ ചെയർ - പേഴ്സണ്‍ , വൈസ്. ചെയർമാൻ തിരഞ്ഞെടുപ്പ് 18-11-12 നു നടന്നു.  ചെയർ - പേഴ്സണ്‍  സ്ഥാനത്തേക്ക് ആയിരുന്നു ആദ്യത്തെ തിരഞ്ഞെടുപ്പ്. ചെയർ - പേഴ്സണ്‍ സ്ഥാനത്തേക്ക് LDF  ന്റെ ശിവപ്രിയ സന്തോഷും UDF ന്റെ സിന്ധു സുബ്രമണ്യനും മത്സരിച്ചു. മത്സരത്തിൽ ശിവപ്രിയ സന്തോഷിനെ തിരഞ്ഞെടുത്തു. ശിവപ്രിയ സന്തോഷ് 25 ,സിന്ധു സുബ്രമണ്യൻ 14 വോട്ടുകൾ വീതം നേടി. UDF ന്റെ ഒരു വോട്ട് അസാധു ആയി. BJP തിരഞ്ഞെടുപ്പിൽ നിന്നും വിട്ടു നിന്നു. തുടർന്ന് നടന്ന  വൈസ്. ചെയർമാൻ  സ്ഥാനത്തേക്കുള്ള തിരഞ്ഞെടുപ്പിൽ LDF ന്റെ അനൂപ്‌ കിഷോർ 25 ു൦ UDF  ന്റെ അജിത്‌ കുമാർ 15 ു൦ വോട്ടുകൾ നേടി. 

കേരള ആർട്ടിസാൻസ് യൂണിയൻ [ CITU ] സ്വീകരണം

കേരള ആർട്ടിസാൻസ് യൂണിയൻ [ CITU ] തൃശൂർ ജില്ല കമ്മറ്റിയുടെ നേതൃത്വത്തിൽ സ:ഏ.പി.വാസു അനുസ്മരണവും തൃശൂർ ജില്ലയിൽ നിന്ന് ത്രിതല പഞ്ചായത്തുകളിൽ നിന്ന് LDF സ്ഥാനാർത്ഥികളായി വിജയിച്ച 32 ആർട്ടിസാൻസ് യൂണിയൻ പ്രവർത്തകർക്ക് സ്വീകരണവും കൊടുക്കുകയുണ്ടായി. ഉദ്ഘാനം CITU സംസ്ഥാന സെക്രട്ടറി സ: എം.എം.വർഗ്ഗീസും സ്വീകരണം ആർട്ടിസാൻസ് യൂണിയൻ ജനറൽ സെക്രട്ടറി സ: നെടുവത്തൂർ സുന്ദരേശനും നിർവ്വഹിച്ചു. ജില്ല പ്രസിഡണ്ടു് സ: ശങ്കരൻ അദ്ധ്യക്ഷത വഹിച്ച യോഗത്തിൽ ജില്ല സെക്രട്ടറി സ: ഷാജൻ സ്വാഗതവും ജില്ല ട്രഷറർ സ: വിത്സൻ നന്ദിയും പറയുകയുണ്ടായി.

റവ:സി.ഷീല ഫ്രാൻസിസിന്റെ വ്രത വാഗ്ദാനവും അനുമോദന യോഗവും

മുണ്ടത്തിക്കോട് [ രാജഗിരി ] ചെറവത്തൂർ ഫ്രാൻസീസ് [Late] ലില്ലി ദമ്പതികളുടെ മകൾ ഷീലയുടെ പ്രഥമ വ്രത വാഗ്ദാനവും സഭാ വസ്ത്ര സ്വീകരണവും  9-11-15ന് നെടുപുഴ പള്ളിയിൽ വെച്ച് റവ.ഡോ.ആൻഡ്രൂസ് താഴത്ത് പിതാവിന്റെ കാർമ്മികത്വത്തിൽ നടത്തപ്പെട്ടു. നവമ്പർ 14 നു റവ:സി.ഷീല ഫ്രാൻസിസിനും ആലപ്പാട്ട് തോമാസ് ഫിലോമിന ദമ്പതികളുടെ മകൾ സി.രഞ്ജുവിനും  ക്രിസ്തുരാജ കുടുംബ യൂണിറ്റ് സ്വീകരണവും ഉപഹാര സമർപ്പണവും നടത്തി . പ്രസ്തുത അനുമോദന യോഗം റവ:ഫാ:റോയ്സൺ കൊള്ളന്നൂർ ഉദ് ഘാടനം  ചെയ്തു ക്രിസ്തുരാജ കുടുംബ യൂണിറ്റ് പ്രസിഡണ്ട്‌  റോയ് മുറ്റത്ത് അധ്യക്ഷനായിരുന്നു . വടക്കാഞ്ചേരി മുൻസിപ്പൽ കൗൺസിലർ കെ.വി. ജോസ് ഉപഹാര സമർപ്പണം  നിർവഹിച്ചു.  

അര്യാംപാടം സെന്റർ (ഡിവിഷൻ 35), പോളിംങ് നില

	Polled Vote	Percentage
Male Voters	366/427	85.71%
Female Voters	425/505	84.16%
Postal Ballot	6
Total Vote	797/932	85.61%
Balance	135	14.48%

2015 നവംബർ 5 നു 5 മണിക്ക് തിരഞ്ഞെടുപ്പ് പ്രക്രിയകൾ അവസാനിച്ചപ്പോൾ അര്യാംപാടം സെന്റർ (ഡിവിഷൻ 35) ന്റെ പോളിംഗ് സ്റ്റേഷൻ ആയ സി.കെ.സി.എൽ.പി സ്കൂളിൽ 84.87 % പോളിംഗ് രേഖപെടുത്തി. ഡിവിഷനിൽ 6 പോസ്റ്റൽ  വോട്ടുകൾ ഉണ്ടായിരുന്നു. അങ്ങിനെ ആകെ പോളിംഗ് ശതമാനം 85.61 % ആണ്. ഈ തിരഞ്ഞെടുപ്പിൽ 336 പുരുഷന്മാരും 425 സ്ത്രീകളും സമ്മതിദാന അവകാശം വിനിയോഗിച്ചു.

LDF നു വോട്ട് ചെയ്ത എല്ലാ മാന്യ വോട്ടെർമാർക്കും നിസീമമായ നന്ദി അറിയിച്ചു കൊള്ളുന്നു. തുടർന്നും നിങ്ങളുടെ സഹകരണം പ്രതീക്ഷിക്കുന്നു 

കേരള പിറവി ദിനാശംസകൾ

ഏവർക്കും കേരള പിറവി ദിനാശംസകൾ നേരുന്നു .

ആർട്ടിസാൻസ് യൂണിയൻ തിരഞ്ഞെടുപ്പ് പ്രചരണം.

വടക്കാഞ്ചേരി നഗരസഭ 35-ാം ഡിവിഷൻ സ്ഥാനാർത്ഥികളായ   സ:കെ.വി.ജോസിനെയും, 40-ാം ഡിവിഷൻ സ്ഥാനാർത്ഥി സ: സന്തോഷിനെയും വിജയിപ്പിക്കുന്നതിനു വേണ്ടി കേരള ആർട്ടിസാൻസ് യൂണിയൻ (CITU) മുണ്ടത്തിക്കോട് പഞ്ചായത്ത് കമ്മറ്റിയുടെ നേതൃത്വത്തിൽ 25-10-15 ന് നടന്ന പ്രചരണം.
സ: വിജയൻ,സ: അഗസ്റ്റിൻ,സ: ജോണി, സ: മുരളി തുടങ്ങിയ നേതാക്കൾ നേതൃത്വം കൊടുത്തു.

കേരള ആർട്ടിസാൻസ് യൂണിയൻ മത്സരിക്കുന്നതിനുള്ള തുക കൈമാറി

കേരള ആർട്ടിസാൻസ് യൂണിയൻ മുണ്ടത്തിക്കോട് പഞ്ചായത്ത് കമ്മറ്റി ആർട്ടിസാൻസ്  യൂ ണിയൻ പ്രവത്തകരായ  35-ാം ഡിവിഷനിലെ കെ.വി.ജോസിനും, 40-ാം ഡിവിഷനിലെ സന്തോഷിനും  വടക്കാഞ്ചേരി നഗരസഭയിലേക്ക് മത്സരിക്കുന്നതിനുള്ള തുക ഏരിയ സെക്രട്ടറി സ.വാസുദേവൻ 18-10-2015 നു നടന്നപഞ്ചായത്ത് കൺവെൻഷനിൽ വെച്ച് കൈമാറി. ഏരിയ കമ്മറ്റി അംഗങ്ങളായ വിജയൻ, അഗസ്റ്റിൻ, ജോണി എന്നിവർ സംസാരിച്ചു.

വടക്കാഞ്ചേരി നഗരസഭ LDF സ്ഥനാർത്തികളുടെ പോസ്റ്റർ

LDF 35-)o ഡിവിഷൻ ആര്യംപാടം സെന്റർ കണ്‍വെൻഷൻ റിപ്പോർട്ട്‌

35-)o  ഡിവിഷൻ ആര്യംപാടം സെന്റർ കണ്‍വെൻഷൻ  ഒക്ടോബർ ഞായർ 2.30  PM ന് ആര്യംപാടം സർവോദയം സ്കൂളിൽ നടന്നു . സ. കെ. വി സന്തോഷ്‌ സ്വാഗതം പറഞ്ഞു. സ. ചന്ദ്രന്റെ അദ്ധ്യക്ഷതയിൽ ചേര്ന്ന യോഗം മുണ്ടത്തിക്കോട് ലോക്കൽ കമ്മിറ്റി സെക്രട്ടറി സ. എം. ആർ .ഷാജൻ . ഉദ്ഘാടനം ചെയ്തു. സുരേഷ് ബാബു മാസ്റ്റർ , സ്ഥാനാർഥി സ.കെ.വി.ജോസിനെ സദസ്സിനു പരിചയപെടുത്തി. Dr. പ്രദീപ്‌ മാസ്റ്റർ, സ. ജോയ്.എന്നിവർ അഭിവാദ്യം അര്പ്പിച്ചു സംസാരിച്ചു. തുടർന്നു 35 )൦  ഡിവിഷൻ സ്ഥാനാർഥി സ.കെ.വി ജോസ് മറുപടി പ്രസംഗം നടത്തി. സ.കെ.വി ജോസിന്റെ വിജയത്തിനായുള്ള തിരഞ്ഞെടുപ്പ് കമ്മിറ്റികൾക്ക് രൂപം നല്കുകയും സ.ജോയ്സന്റെ നന്ദി പ്രകടനത്തോടെ കൂടി കണ്‍വെൻഷൻ അവസാനിക്കുകയും ചെയ്തു.

LDF 35-)o ഡിവിഷൻ ആര്യംപാടം സെന്റർ കണ്‍വെൻഷൻ

35-)o  ഡിവിഷൻ ആര്യംപാടം സെന്റർ കണ്‍വെൻഷൻ  ഒക്ടോബർ ഞായർ 2 PM ന് സർവോദയം സ്കൂളിൽ ചേരുന്നു.

ഇ. നാരായണൻ സ്മാരക അവാർഡ്‌ അനൂപ്‌ കിഷോറിന്

പ്രമുഖ സഹകാരിയും സംസ്ഥാന സഹകരണ  യൂണിയൻ മുന് ചെയർമാനുമായ   ഇ. നാരായണന്റെ സ്മരണാർത്ഥം കാരശ്ശേരി സർവിസ് സഹകരണ ബാങ്ക് എർപെടുത്തിയ സംസ്ഥാനത്തെ മികച്ച സഹകരണ ബാങ്ക് പ്രസിഡന്റ്‌നുള്ള പ്രഥമ അവാര്ഡ്  എം.ആർ. അനൂപ്‌ കിഷോറിന് . തൃശൂർ പെരിങ്ങണ്ടൂർ സർവീസ് സഹകരണ ബാങ്ക് പ്രസിഡന്റ്‌ ആണ് അനൂപ്‌ കിഷോർ.

വടക്കാഞ്ചേരി നഗരസഭ 35- )o ഡിവിഷൻ LDF തിരഞ്ഞെടുപ്പ് കമ്മിറ്റി ഓഫീസ്

വടക്കാഞ്ചേരി നഗരസഭ 35- )o  ഡിവിഷൻ LDF  തിരഞ്ഞെടുപ്പ് കമ്മിറ്റി ഓഫീസ് 15-10-2015 നു ആളൂർ ദേവസ്സി  ഉദ്ഘാടനം ചെയ്തു. 35-)o  ഡിവിഷൻ തിരഞ്ഞെടുപ്പ് സെക്രട്ടറി സ.കെ.വി.സന്തോഷ്‌ സ്വാഗതം പറഞ്ഞു. സ. എം. ആർ .ഷാജൻ . സ.മൊയ്തു എന്നിവർ സംസാരിച്ചു.

വടക്കാഞ്ചേരി നഗരസഭ തിരഞ്ഞെടുപ്പ് 35 - )൦ ഡിവിഷൻ

വടക്കാഞ്ചേരി നഗരസഭ തിരഞ്ഞെടുപ്പ് 35 - )൦ ഡിവിഷൻ

വടക്കാഞ്ചേരി മുൻസിപ്പൽ തിരഞ്ഞെടുപ്പ് കണ്‍വെണ്‍ഷൻ

2015 ഒക്ടോബർ 14 ബുധൻ 2 മണിക്ക് ഒട്ടുപാറ  അനുഗ്രഹ ഓഡിറ്റോറിയത്തിൽ

ഉദ്ഘാടനം - സ.പി.കെ.ബിജു എം.പി.