CPI(M) ജാഥ സ്വീകരണത്തിന് ലഭിച്ച ഷാളും, തോർത്തും അനാഥർക്ക് കൈമാറി.

കേന്ദ്ര സർക്കാരിന്റെ ജനവിരുദ്ധ നയങ്ങൾക്കെതിരെയും ആർ.എസ്.എസ് അക്രമങ്ങൾക്കും വർഗ്ഗീയതക്കുമെതിരായി സി.പി.ഐ [ എം] നടത്തിയ വടക്കൻ മേഖല ജാഥക്ക് സ്വീകരണമായി ലഭിച്ചു ഷാളുകളും, തോർത്തുകളും മുണ്ടത്തിക്കോട് സ്നേഹാലയത്തിനും, അമ്പലപുരം പോപ്പ് പോൾ മേഴ്സി ഹോമിനും ജാഥ ക്യാപ്റ്റനും സി.പി.ഐ [ എം] സംസ്ഥാന കമ്മറ്റി അംഗവുമായ എൻ.ആർ.ബാലനും, മാനേജരും സി.പി.ഐ [ എം] ജില്ല സെക്രട്ടേറിയറ്റ് അംഗവുമായ സേവ്യർ ചിറ്റിലപ്പിള്ളിയും ചേർന്ന് സ്നേഹാലയം ആന്റണിക്കും പോപ്പ് പോൾ മദർ സുപ്പീരിയറിനും  കൈമാറി.
തദവസരത്തിൽ സി.പി.ഐ [എം] നേതാക്കളായ പി.മോഹൻദാസ്, എം.ആർ.ഷാജൻ, ജോസ്.കെ.വി, ജോയ്സൺ.കെ.പി, സനീഷ്.പി.ജി, സന്താഷ്.കെ.വി, പുഷ്ക്കരൻ എന്നിവർ സന്നിഹിതരായിരുന്നു.

ഒക്ടോബർ 28 ദേശീയ ആയുർവേദ ദിനം

വടക്കാഞ്ചേരി നഗരസഭയിലെ ആര്യംപാടം ആയുർവേദ ഡിസ്പൻസറിയിൽ ഔഷധസസ്യങ്ങൾ നട്ടു കൊണ്ടും രോഗികൾക്ക് ഔഷധ സസ്യങ്ങൾ വീട്ടിൽ വെച്ചു വളർത്തുന്നതിന് വിതരണം ചെയ്തുo ആയുർവേദ ദിനം ആചരിച്ചു. ആയുർവേദ ഡോക്ടർ. സിൽവിയു നേതൃത്വത്തിൽ നടന്ന ആഘോഷങ്ങൾ 35 ാം കൗൺസിലർ കെ.വി. ജോസ് ഉദ്ഘാടനം ചെയ്തു. ഈ വർഷത്തെ വിഷയമായ " ആയുർവേദ ഫോർ പ്രിവൻഷൻ ആന്റ് കൺട്രോൾ ഓഫ് ഡയബറ്റ്സ് " എന്നതിന്റെ അടിസ്ഥാനത്തിൽ ചിറ്റാമൃത്, മഞ്ഞൾ, നെല്ലി, കഞ്ഞി കൂർക്ക, ഒറ്റയില എന്നിവയാണ് വിതരണം ചെയ്യുകയും നടുകയും ചെയ്തത്.

പരിസരശുചീകരണം

ഡിവിഷൻ 35 ആര്യംപാടം സെന്റർ വാർഡ് വികസന സമിതിയുടെയും ആരാഗ്യ പ്രവർത്തകരുടെയും നേതൃത്വത്തിൽ ആര്യംപാടം, SNസുരഭി, രാജഗിരി, അരവൂർ അയൽ സഭ പ്രദേശങ്ങളിൽ ഗാന്ധി ജയന്തി വാരാഘോഷത്തോടനുബന്ധിച്ച് പരിസരശുചീകരണo തുടങ്ങി.
ഡിവിഷൻ പരിധിയിലെ വൃത്തിയുളള തെരുവോരങ്ങൾ , മൺസൂൺ മഴക്കാലത്തിന് ശേഷം വീണ്ടും കാടുംപടലും പടർന്ന്കയറി , അതിനിടയിലേക്ക് ആളുകള്‍ വലിച്ചെറിഞ്ഞ മാലിന്യം പേറി വൃത്തികേടായിരിക്കുന്നു! പ്രദേശവാസികളെല്ലാവരും ഒത്ത്ചേർന്ന് ഒറ്റക്കെട്ടായി പരിസരശുചീകരണം നടത്തുകയാണ്.

ശുചീകരണ യജ്ഞത്തിൽ ഭാഗഭാക്കായ എല്ലാവരേയും ഹൃദയപൂർവ്വം അഭിനന്ദിക്കുന്നു.

CKC സ്‌കൂൾ സന്ദർശനം

5-10-16 ന് ആലത്തൂർ M. P. ശ്രീ.P.K.ബിജു മുണ്ടത്തികോട് രാജഗിരി LP സ്ക്കൂൾ സന്ദർശിച്ചു.സ്ക്കൂളിലെ ടോയ്ലറ്റ് അപര്യാപ്തത പരിഹരിക്കുന്നതിന് എം.പി.ഫണ്ടിൽ നിന്നും 2 ലക്ഷം രൂപ അനുവദിച്ചു.
കൗൺസിലർ K.V.ജോസ്, വാർഡ് വികസന സമിതി കൺവീനർ K.V.സന്തോഷ്, PTA പ്രസിഡണ്ടു് ബിൻജു C ജെയ്ക്കബ്, H.M. സിസ്റ്റർ. ഹെർമിൻ എന്നിവർ M. P. യെ സ്വീകരിച്ചു.

സ്നേഹാലയത്തിലെ ഓണാഘോഷം

സ്നേഹാലയത്തിലെ ഓണാഘോഷം ബഹു: സഹകരണ - ടൂറിസo വകുപ്പു മന്ത്രി ശ്രീ.ഏ.സി.മൊയ്തീൻ ഉദ്ഘാടനംചെയ്തു. സ്നേഹാലയം, അമ്പലപുരം സെവൻസ്റ്റാർസ്, കുന്നംകുളം സുരഭി എന്നീ സംഘടനകളുടെ നേതൃത്വത്തിലാണ് HIV ബാധിതരുടെ കുടുംബത്തിന് ഓണസദ്യക്കുള്ള സാധനങ്ങൾ, ഓണകോടി, ഓണസദ്യ എന്നിവ നടത്തിയത്. കൗൺസിലർ മധു അമ്പലപുരത്തിന്റെ അദ്ധ്യക്ഷതയിൽ കൂടിയ ഓണാഘോഷ യോഗത്തിൽ ഫാ. റാഫി തട്ടിൽ, കൗൺസിലർമാരായ K.V.ജോസ്, P. അരവിന്ദാക്ഷൻ, പോലീസ് എസ്.ഐ. ജോയ്, സ്നേഹാലയം ആന്റണി എന്നിവർ സംസാരിച്ചു. തുടർന്ന് ഓണപുടവ, സദ്യവട്ടങ്ങൾ HIV കുടുംബങ്ങൾ മന്ത്രിയിൽ നിന്ന് ഏറ്റുവാങ്ങി. ഓണസദ്യക്കു ശേഷം സുരഭി കന്നംകുളം അന്തേവാസികൾക്ക് ഒരുക്കിയ ഗാനമേളയും ഉണ്ടായിരുന്നു.

വാർഡ് സഭ

വടക്കാഞ്ചേരി നഗരസഭ 35 -ാം ഡിവിഷൻ ആര്യംപാടം സെന്റർ വാർഡ് സഭ 20-8-16 കാലത്ത് 10 മണിക്ക് രാജഗിരി CKCLP സ്കൂളിൽ വെച്ച് നഗരസഭ ചെയർപേഴ്സൺ ശ്രീമതി.ശിവപ്രിയ സന്തോഷ് ഉദ്ഘാടനം ചെയ്തു.

വാർഡ് സഭ

വടക്കാഞ്ചേരി നഗരസഭ 35 -ാം ഡിവിഷൻ ആര്യംപാടം സെന്റർ വാർഡ് സഭ 20-8-16 കാലത്ത് 10 മണിക്ക് രാജഗിരി CKCLP സ്കൂളിൽ വെച്ച് നഗരസഭ ചെയർപേഴ്സൺ ശ്രീമതി.ശിവപ്രിയ സന്തോഷ് ഉദ്ഘാടനം ചെയ്തു.

സ്വാതന്ത്ര്യദിനാഘോഷങ്ങൾ

ഘോഷങ്ങൾ 

ക്രിസ്തുരാജ കുടുംബ യൂണിറ്റ് വാർഷികം

ക്രിസ്തുരാജ കുടുംബ യൂണിറ്റ് വാർഷികം 23-07-2016 നു ഇടവക വികാരി  റെവ. ഫാ. റാഫി തട്ടിൽ ഉദ്ഘാടനം ചെയ്തു. യോഗത്തിൽ തൃശൂർ അതിരൂപത അവാർഡ് ജേതാവ് ശ്രീ. സ്നേഹാലയം ആന്റണിക്കും , വടക്കാഞ്ചേരി നഗരസഭാ കൗൺസിലർ ശ്രീ. കെ.വി ജോസിനും സ്വീകരണം നൽകി.  SSLC ക്കു എല്ലാ വിഷയത്തിലും A + നേടിയ ബിജോയ് സെബാസ്ററ്യൻ കണ്ണനായ്ക്കലിനും  , ഗോഡ്സൺ ഫ്രാൻസിസ് കണ്ണനായ്ക്കലിനും ഉപഹാരങ്ങൾ നൽകി. യോഗത്തിടക്ക് യൂണിറ്റ് അംഗംങ്ങളുടെ കലാപ്രകടനങ്ങളും ഉണ്ടായിരുന്നു.

കുടുംബ ശ്രീ ഭാരവാഹികളുടെ യോഗം

P S C ബാങ്ക് കുടുംബ ശ്രീ ഭാരവാഹികളുടെ യോഗം   19-07-16 നു സംഘടിപ്പിച്ചു യോഗം ബാങ്ക് പ്രസിഡന്റ് MR ഷാജൻ  ഉദ്ഘാടനം ചെയ്തു..യോഗത്തിൽ വൈസ് പ്രസിഡണ്ടു് N.A .ജോൺ അദ്ധ്യക്ഷത വഹിച്ചു.സ്വാഗതം ബോർഡ് ഡയറക്ടറും കൗൺസിലറുമായ കെ.വി. ജോസ്, ഡയറക്ടർമാരായ രത്നം ഷാജു, ഉദയൻ എന്നിവർ സംസാരിക്കുകയുണ്ടായി. ജൈവ പച്ചകൃഷി ഓണത്തിന് ഉദ്പാദിക്കുന്നതിനും, എല്ലാ കടുംബശ്രീ അംഗങ്ങൾക്കും ഇൻഷുറൻസ് എടുക്കുന്നതിനും തീരുമാനമെടുക്കുകയുണ്ടായി.

കര നെൽ കൃഷി

മുണ്ടത്തിക്കോട് കൃഷിഭവൻറ കീഴിലുള്ള  അരവൂർ പ്രദേശത്ത് വടക്കാഞ്ചേരി നഗരസഭ 35 ഡിവിഷനിൽ 15 വർഷമായി തരിശായി  കിടന്നിരുന്ന പുതുരുത്തി അയ്യപ്പത്ത് കിഷോർ കുമാറിന്റെ ഒരു ഏക്കർ പറമ്പിൽ കരനെൽ കൃഷിയുടെ ഭാഗമായി "ജ്യോതി "വിത്ത് കിഷോർ കുമാർ ഇറക്കി ഉദ്ഘാടനം ചെയ്തു. കിഷോർകുമാർ,അകത്തറ കണ്ണനായ്ക്കൽ ഷാജി, ദാസൻ അമ്പലപുരo  എന്നിവരുടെ നേതൃത്വത്തിലുള്ള "കർമ്മ സേനയുടെ" പരിശ്രമഫലമാണ്  ഈ കൂട്ടായ്മ വിജയം കണ്ടത്. വെള്ളം കെട്ടി നിർത്താതെ മഴവെള്ളത്തെ മാത്രം ആശയിച്ചുള്ള കൃഷി രീതിയാണ് കരനെൽ കൃഷി. കൃഷി ഓഫീസർ മനോജ്, അസിസ്റ്റന്റ് ബൈജു എന്നിവർ വിത്തും,മറ്റ് സഹായങ്ങളും നല്കി. 35-ാം ഡിവിഷൻ കൗൺസിലർ കെ.വി.ജോസ്, അത്താണി PSC ബാങ്ക് പ്രസിഡണ്ട് എം.ആർ.ഷാജൻ, നഗരസഭ വൈസ് ചെയർമാൻ അനൂപ് കിഷോർ എന്നിവരുടെ സഹായ സഹകരണങ്ങൾ കർഷകർക്ക് ലഭിച്ചുകൊണ്ടിരിക്കുന്നു.

കേരള സംസ്ഥാന വ്യാപാരി വ്യവസായി സമിതി എൻഡോവ്മെന്റ്റ് വിതരണം

കേരള സംസ്ഥാന വ്യാപാരി വ്യവസായി സമിതി, ആര്യംപാടം യൂണിറ്റിലെ അംഗങ്ങളുടെ മക്കൾക്കുള്ളs SSLC, +2 വിജയികൾക്കുള്ള എൻഡോവ്മെന്റ്റ് വിതരണം 10-7-16 ന് ആര്യംപാടം SVHS  സ്ക്കൂളിൽ വെച്ച് നഗരസഭ കൗൺസിലർ ജോസ്. K. V നിർവ്വഹിച്ചു . പ്രസിഡണ്ടു് ഫ്രാൻസീസ് തൈക്കാനത്ത് അദ്ധ്യക്ഷത വഹിച്ചു. യോഗത്തിൽ ഏരിയ പ്രസിഡണ്ട് N.സുകുമാരൻ, സുഭാഷ്.K . G, ജയൻ.T.D, മാത്യൂസ്. P.ട എന്നിവർ സംസാരിച്ചു. ലൂവിസ വാഴപ്പിള്ളി സ്വാഗതവും T. L. ഡേവീസ് നന്ദിയും പറയുകയുണ്ടായി.

"അക്ഷരമുറ്റം" രാജഗിരി ക്രൈസ്റ്റ് കിംഗ് കോൺവെൻറ L.P. സ്ക്കൂളിൽ

"അക്ഷരമുറ്റം" അറിവുത്സവത്തിന്റെ ഭാഗമായി "എന്റെ പത്രം " മുണ്ടത്തിക്കോട് ലോക്കലിലെ രാജഗിരി ക്രൈസ്റ്റ് കിംഗ് കോൺവെൻറ L.P. സ്ക്കൂളിൽ 5-7-16 ന് അസംബ്ലിയിൽ വെച്ച് ഹെഡ്മിസ്ട്രസ് സിസ്റ്റർ. െഹർമിന് PSC ബാങ്ക് പ്രസിഡണ്ടു് M. R. ഷാജൻ ഒരു യൂണിറ്റ് പത്രം കൈമാറി കൊണ്ടു് ഉദ്ഘാടനം നിർവ്വഹിച്ചു. P. T. A. പ്രസിഡണ്ടു് ബിൻജു C ജെയക്കബ് സ്വാഗതവും, നഗരസഭ കൗൺസിലർ കെ.വി. ജോസ് അദ്ധ്യക്ഷത വഹിച്ച യോഗത്തിൽ മുൻ P. T. A. പ്രസിഡണ്ടു് ജോയ്സൺ.K. P. ആശംസയും നേരുകയുണ്ടായി. 12 പത്രം 5 തത്തമ്മ 2 വാരിക സ്പോൺസർ ചെയ്തത് അത്താണി PSC ബാങ്കാണ്.

രാജഗിരി കുടിവെള്ള സമിതി-ജൂണ് 2016

വിരിപ്പ് നെൽകൃഷി

16 വർഷമായി മുടങ്ങി കിടന്നിരുന്ന വിരിപ്പ് നെൽകൃഷി 23 ഏക്കറിൽ തുടങ്ങി.മുണ്ടത്തിക്കോട് കൃഷിഭവൻറ കീഴിലുള്ള രാജഗിരി, അരവൂർ_ പെരിങ്ങണ്ടൂർ പാടശേഖരത്തിലെ വടക്കാഞ്ചേരി നഗരസഭ 34,35 ഡിവിഷനിൽ മുടങ്ങി കിടന്നിരുന്ന 23 ഏക്കറിൽ "ജ്യോതി "വിത്ത് ഇറക്കി. അകത്തറ കണ്ണനായ്ക്കൽ ഷാജിയുടെ പരിശ്രമഫലമാണ് ഈ കൂട്ടായ്മ വിജയം കണ്ടത്. ആദ്യ ദിവസം 27 കർഷക തൊഴിലാളികൾ 8 ഏക്കർ  പാടത്ത് ഞാറ് നട്ടു. ഇവിടെ മുണ്ടകൻ കൃഷി ഗ്രീൻ ആർമിയുടെ നേതൃത്വത്തിലാണ് നടന്നു വരുന്നത്.16 വർഷമായി വിരപ്പ് കൃഷി ഇറക്കാറില്ല. ജലദൗർലഭ്യവും ലാഭകരമല്ലാത്തതുമാണ് കർഷകരെ കൃഷിയിൽ നിന്ന് പിന്തിരിപ്പിച്ചിരുന്നത്.

തുടക്കത്തിൽ തന്നെ വെള്ളച്ചാല് വെട്ടി വെടിപ്പാക്കി വെള്ളം പാടത്ത് എത്തിക്കുക എന്ന ലക്ഷ്യം ഷാജിയുടെ നേത്രത്വത്തിൽ തുടങ്ങി. ഇത് കർഷകർക്ക് ആത്മവിശ്വാസം പകർന്നു. കൃഷി ഓഫീസർ മനോജ്, അസിസ്റ്റന്റ് ബൈജു എന്നിവർ വിത്തും,മറ്റ് സഹായങ്ങൾ നല്കി. പാടശേഖര കമ്മറ്റിക്കാരായ ഏ.എൽ. ജെയ്ക്കബ്, ഇ.എ.രാധാകൃഷ്ണൻ, എം.ആർ.സിദ്ധാർത്ഥൻ, കെ.സി.യോഹന്നാൻ, കൃഷ്ണൻകുട്ടി, കൃഷണൻ എഴുത്തശ്ശൻ, സേവ്യർ തുടങ്ങിയവർ നേതൃത്വം നല്കി. കൗൺസിലർമാരായ കെ.വി.ജോസ്.പി.ഉണ്ണികൃഷ്ണൻ, മധു അമ്പലപുരം എന്നിവരുടെ പ്രോത്സാഹനം ജനകീയ തലത്തിലേക്ക് എത്തിച്ചു. അത്താണി PSC ബാങ്ക് പ്രസിഡണ്ട് എം.ആർ.ഷാജൻ, വൈസ് ചെയർമാൻ അനൂപ് കിഷോർ കർഷകർക്ക് വേണ്ട എല്ലാ സാമ്പത്തിക സഹായമുൾപ്പടെ വാഗ്ദാനം ചെയ്തിട്ടുണ്ട്.

വടക്കാഞ്ചേരി വിദ്യഭ്യാസ ഉപജില്ല പ്രവേശനോത്സവം 2016 .

               മുണ്ടത്തിക്കോട്  രാജഗിരി C.K.C.L.P.സ്ക്കൂളില്‍ വെച്ച്  വടക്കാഞ്ചേരി  വിദ്യഭ്യാസ   ഉപജില്ല   പ്രവേശനോത്സവം  2016  ജൂണ്‍ ഒന്നിന്  കാലത്ത്  10  മണിക്ക്  പി ..ടി ..എ. പ്രസിഡണ്ട്  ബിഞ്ചു സി  ജേക്കബിന്‍റെ  അധ്യക്ഷതയില്‍ വടക്കാഞ്ചേരി നഗരസഭ  കൌണ്‍സിലര്‍ കെ .വി .ജോസ് ഉദ്ഘാടനംചെയ്തു. സി.സോജിയ  സ്വാഗതവും, ബി .ആര്‍.സി .കോ- ഓര്‍ഡിനേറ്റര്‍ ഷീല  ടീച്ചര്‍ ആശംസയുംH.M. സി. ഹെര്‍മിന്‍  സമര്‍പ്പണപ്രാര്‍ത്ഥനയും  നടത്തുകയുണ്ടായി.  LSS  സ്കൊളര്‍ഷിപ്പ്   വിജയിയായ   എയ്ഞ്ചല്‍ റോസ് മേരിയെ ഉദ്ഘാടകന്‍    ആദരിച്ചു.  ഒന്നാം ക്ലാസില്‍  ചേര്‍ന്ന  97  കുട്ടികള്‍ക്കും   പഠനകിറ്റ്‌   വിതരണം ചെയ്യുകയുണ്ടായി .  തുടര്‍ന്ന്‍  നാടന്‍പ്പാട്ടുകള്‍  കുട്ടികള്‍ക്ക്   വേണ്ടി ആലപിക്കുകയുണ്ടായി .സ്ക്കുള്‍ ചുമരുകളില്‍ നന്നായി ചിത്രങ്ങള്‍വരച്ചും, ബലൂണ്‍, മാസ്ക്  തുടങ്ങിയവ   ആകര്‍ഷകമാക്കി.   P.T.A  ഭാരവാഹികളും, അധ്യാപകരും,  രക്ഷിതാക്കളും  പ്രവേശനോത്സവം 2016  ഭംഗിയാക്കാന്‍ നന്നായി  ശ്രമിച്ചിട്ടുണ്ട് .

മുണ്ടത്തിക്കോട് ലോക്കൽ കമ്മിറ്റി തിരഞ്ഞെടുപ്പ് റാലി

സ: മേരി തോമാസിന്റെ തിരഞ്ഞെടുപ്പ് പ്രചാരണത്തിന്റെ ഭാഗമായി മുണ്ടത്തിക്കോട്  ലോക്കൽ കമ്മിറ്റി തിരഞ്ഞെടുപ്പ് റാലി 10-05-2016 , വൈകീട്ട് 6 മണിക്ക് മുണ്ടത്തിക്കോട് പള്ളി പരിസരത്ത് നിന്ന് ആരംഭിച്ച് അര്യാംപാടം സെന്റെറിൽ അവസാനിച്ചു. നൂറു കണക്കിനു പ്രവർത്തകർ അണിനിരന്ന റാലിക്ക് സ: MR ഷാജൻ ,സ: KM മൊയ്ദു , സ: രവി കൊമ്പത്ത് , സ: KV ജോസ് ,സ: P ഉണ്ണികൃഷ്ണൻ എന്നിവർ നേതൃത്വം നല്കി . കാവിടി , വാദ്യമേളങ്ങൾ ,നാടാൻ കലാ രൂപങ്ങൾ റാലിക്ക് കൊഴുപ്പേകി . സമാപന സമ്മേളനത്തിനു മുൻപായി അരങ്ങേറിയ നാടൻ പാട്ട് ശ്രവണ സുന്ദരമായിരുന്നു . സമാപന സമ്മേളനത്തിൽ  സ: മേരി തോമാസ് , ചെയർ പെർസൺ സ: ശിവ പ്രിയ സന്തോഷ്‌ എന്നിവർ പങ്കെടുത്തു . സമ്മേളനത്തിനിടക്ക് പ്രകൃതി തന്നെ മഴയുടെ രൂപത്തിൽ അനുഗ്രഹ വർഷം ചൊരിഞ്ഞു .

രാജഗിരി കുടിവെള്ള പദ്ധതി

കൊടും വേനലിലെ കുടിവെള്ള ക്ഷാമത്തിനു പരിഹാരമായി രാജഗിരി കുടിവെള്ള പദ്ധതി ആരംഭിച്ചു . പദ്ധതിയുടെ  ഉദ്ഘാടനം 05-05-2016 വൈകീട്ട് 4 മണിക്ക് ,മുണ്ടത്തികോട് പള്ളി വികാരി റവ:ഫാ:റാഫി തട്ടിൽ നിർവഹിച്ചു .കൗൻസിലർമാരയ KV ജോസ് ,P  ഉണ്ണികൃഷ്ണൻ ,K അജിത്‌ കുമാർ എന്നിവർ സന്നിഹിതരായിരുന്നു.

രാജഗിരി കുടുംബ സംഗമം

രാജഗിരി കുടുംബ സംഗമത്തിൽ സുരേഷ് ബാബു മാസ്റ്റെർ സംസാരിക്കുന്നു 

സ: മേരി തോമസ്നു സ്വീകരണം

നിയമ തിരഞ്ഞെടുപ്പിന്റെ ഭാഗമായി LDF സ്ഥാനാർത്ഥി സ: മേരി തോമസ്നു 05-05-2016 വൈകീട്ട് 6 മണിക്ക് രാജഗിരിയിൽ സ്വീകരണം കൊടുത്തു .

കാരകുന്ന് കോളനി കുടുംബ സംഗമം

കാരകുന്ന് കോളനി  കുടുംബ സംഗമം 24-04-16 നു വടക്കാഞ്ചേരി  നഗരസഭ വൈസ് ചെയർമാൻ സ: അനൂപ്‌ കിഷോർ ഉദ്ഘാടനം ചെയ്തു.

ചെറുകുളം ശുദ്ധീകരണം

വടക്കാഞ്ചേരി നഗര സഭ 35  ഡിവിഷൻ സുരഭി അയൽ സഭയുടെ നേതൃത്വ ത്തിൽ 10-4-16 ന് ചെറുകുളം പായൽ വാരി വൃ ത്തിയാക്കി.   അയൽ സഭ ഭാരവാഹികൾ ,സന്നദ്ധ പ്രവർത്തകർ അടക്കം മുപ്പതോളം പേർ പങ്കെടുത്തു .

C S Murali Babu Memorial Trust(Muralika): ഗ്രാമകം നാടക കളരി ,വേലൂര്‍

C S Murali Babu Memorial Trust(Muralika): ഗ്രാമകം നാടക കളരി ,വേലൂര്‍: 2016  ഏപ്രില്‍  9 മുതല്‍ വേലൂരിൽ ആരംഭിച്ച    "ഗ്രാമകം" നാടക കളരിയിൽ  
11 -4 - 16  ന്   സി .എസ്. മുരളീബാബു  അനുസ്മരണം കെ.വി. ജോസ് നടത്തി .
തുടർന്ന്  ക്ലാവർ റാണി  എന്ന നാടകം ഉണ്ടായീ .  ഗ്രാമകം നാടക കളരി  13 ന് 
അവസാനിച്ചു .

സ: മേരി തോമാസിന്റെ തിരഞ്ഞെടുപ്പ് പ്രചാരണം

 വടക്കാഞ്ചേരി നിയോജക മണ്ഡലം LDF  സ്ഥാനാർഥി സ: മേരി തോമാസ് 02-04-2016 നു മുണ്ടാത്തികോട് ലോക്കലിൽ ഒന്നാം ഘട്ട പര്യടനം പൂര്ത്തിയാക്കി . വടക്കാഞ്ചേരി യുടെ ചരിത്രത്തിലെ ആദ്യ വനിതാ സ്ഥാനര്തിയാണ് സ: മേരി തോമാസ്. തെക്കും കര പഞ്ചായത്ത്‌ പ്രസിടന്റ്റ് ആയിരുന്ന സ: മേരി തോമാസ് നിലവിൽ എരുമപ്പെട്ടി ഡിവിഷൻ  ജിലാ പഞ്ചായത്ത്‌ മെമ്പറും ജനാദിപത്യ മഹിളാ അസോസിയഷൻ സെക്രടറിയായും പ്രവർത്തിച്ചു വരുന്നു 

പുതുരുതി പള്ളി പരിസരത്തിൽ നിന്നും 3 മണിക്ക് ആരംഭിച്ച പര്യടനത്തെ CPI(M ) നേതാക്കളായ രവി കൊമ്പത്ത് , ഷാജാൻ MR , AL ജേക്കബ് (NCP) കൌൺസിലർ മാരായ KV ജോസ് , P ഉണ്ണികൃഷ്ണൻ , മണികണ്ടൻ , വത്സല MK , അഡ്വ. മനോജ്‌ എന്നിവർ അനുഗമിച്ചു . ചാകുട്ടി പീടിക , അങ്കതട്ട് ,അര്യംപാടം ,രാജഗിരി മുണ്ടാത്തികോട് സെന്റെർ അമ്പല നട ,പെരിങ്ങണ്ടൂർ , അരവൂർ എന്നിവിടങ്ങളിൽ വോട്ട് അഭ്യർത്ഥിച്ചു.

ഇതിനിടയിൽ അന്തരിച്ച നാരായണൻ മാസ്ടരുടെ ഭവനം , രാജഗിരി പാർടി അംഗം EA വിത്സൺ എന്നിവരെ കാണുകയും മുണ്ടാത്തികോട് ക്രിസ്തുരാജ പള്ളി വികാരി റവ.ഫാ.റാഫി തട്ടിലിനെ കണ്ടു അനുഗ്രഹം വാങ്ങുകയും ചെയ്തു .പര്യടനം രാത്രി 8 നു തിരുത്തി പറമ്പിൽ വച്ച് സമാപിക്കുകയും ചെയ്തു.   

അയൽസഭ രൂപീകരണ വിശദാ0ശങ്ങൾ

35 ഡിവിഷൻ ആര്യാംപാടം സെന്റെർ വാർഡ്‌ മാപ്പ്

Download PDF

അയൽസഭ രൂപീകരണം

സർവ്വശുദ്ധി '' നടപ്പിലാക്കാൻ 35-)o ഡിവിഷനിലെ എല്ലാ "അയൽ സഭക" ളും രൂപീകരിച്ച് കൗൺസിലർ കെ.വി. ജോസ് വടക്കാഞ്ചേരി നഗരസഭക്ക് മാതൃകയായി.വടക്കാഞ്ചേരി നഗരസഭയിലെ 35ാം ഡിവിഷനിലെ (ആര്യംപാടം സെന്റർ) 5 അയൽ സഭകൾ രൂപീകരിച്ചു. നഗരസഭ ചെയർപേഴ്സൺ ശിവപ്രിയ സന്തോഷ്, വടക്കാഞ്ചേരി ബ്ലോക്ക് പ്രസിഡണ്ട് ബസന്ത് ലാൽ, PSC ബാങ്ക് പ്രസിഡണ്ടു് M.R. ഷാജൻ, പൊതുമരാമത്ത് സ്ഥിരം സമിതി അദ്ധ്വക്ഷൻ സോമനാരായണൻ, കൗൺസിലർ P. ഉണ്ണികൃഷ്ണൻ എന്നിവർ യഥാക്രമം സുരഭി, രാജഗിരി, ആര്യംപാടം, അരവൂർ, മെയിൻ റോഡ് എന്നീ അയൽ സഭകൾ ഉദ്ഘാടനം ചെയ്തു.

കൗൺസിലർ K. V. ജോസ് എല്ലാ അയൽ സഭയിലും അദ്ധ്യക്ഷനായി.വിശിഷ്ട അഥിതികളായി വൈസ് ചെയർമാൻ അനൂപ് കിഷോർ, കൗൺസിലർമാരായ പ്രിൻസ് ചിറയത്ത്, അരവിന്ദാക്ഷൻ, മധു അമ്പലപുരം, C.S.സുcരഷ് ബാബു മാസ്റ്റർ എന്നിവർ സംസാരിച്ചു. K. V. സcന്താഷ്, ശങ്കരൻ .P. K., ജെയ്ക്കബ്.A. L., ജോയ്സൺ.K.P., ഷജീഷ്, E.P.ജയപ്രകാശ്, സൗദാമിനി വിജയൻ, ചന്ദ്രൻ.P.R. എന്നിവർ നേതൃത്വം നല്കി. എല്ലാ അയൽ സഭകളിലും "സർവ്വ ശുദ്ധി" പദ്ധതി നടപ്പിലാക്കാൻ സന്നദ്ധമാണെന്ന പ്രമേയം ഐകകണ്ഠേന പാസ്സാക്കി.

യോഗത്തിൽ വെച്ച് അയൽ സഭ പ്രസിഡണ്ട് - സെക്രട്ടറിമാരായി യഥാക്രമം  1 )P.S. മനോജ് കുമാർ, ഗിരിജ ശക്തീധരൻ, - 2) K.P.ജോയ്, ഫിലോമിന തോമാസ്, _ 3) പുഷ്പ സുനിൽ, P. A. മോഹനൻ, _ 4) സുനിൽ കുമാർ, രമ ജനാർദ്ദനൻ - 5 )ശുഭ മുരളി, M.G.റോയി എന്നിവർ ഭാരവാഹികളായി. വാർഡ് കമ്മറ്റി രൂപീകരിക്കുന്നതിന് ഒരു അയൽ സഭയിൽ നിന്ന് പ്രസിഡണ്ടും സെക്രട്ടറിയും, വിവിധ രാഷ്ട്രീയ പാർട്ടികളുടെ പ്രതിനിധികൾ, കലാകായിക സാംസ്കാരിക സന്നദ്ധ പ്രവർത്തകർ, സാങ്കേതിക വിദഗ്ദർ തുടങ്ങി 25 ൽ കവിയാത്ത അംഗങ്ങളെ ഉൾപ്പെടുത്തി തുടർ പ്രവർത്തനങ്ങൾ ഏകോപിപ്പിക്കും. ഒരു അയൽ സഭയിൽ നിന്ന് 10 സന്നദ്ധ പ്രവർത്തകർക്ക് "സർവ്വശുദ്ധി"ശിൽപശാലയിൻ പരിശീലനം കൊടുത്ത് വീടിനും ഡിവിഷനും വ്യത്തി വരുത്തും.

സ: പിണറായിയുടെ പോപ്പ് പോൾ മേഴ്സി ഹോം സന്ദർശനം

നവ കേരള മാർച്ചിന്റെ  തിരക്കിനിടയിലും സ: പിണറായി വിജയൻ തൃശൂർ ജില്ലയിലെ അത്താണിയിൽ സ്ഥിതി ചെയുന്ന പോപ്പ് പോൾ മേഴ്സി ഹോം സന്ദർശിക്കാൻ സമയം കണ്ടെത്തി. 31-01-2016 ഞായറാഴ്ച കാലത്ത് 11.00 മണിയോടെ ഹോമിലെത്തുകയും അന്തേവാസികളോട് സമയം ചിലവിടുകയും ചെയ്തു. പോപ്പ് പോൾ മേഴ്സി ഹോമിൽ എത്തിയ പിണറായിയെയും മറ്റു അംഗങ്ങളെയും ഡയറക്ടർ  ഫാ:ജോജു ആളൂരും അവിടെ തന്നെയുള്ള അന്തേവാസി കുമാരി. ധന്യയും കൂടി  സ്വീകരിച്ചു.  "അടുത്ത തവണ എവിടെ നിന്നാണ് മത്സരിക്കുന്നത്?" എന്ന ഒരു അന്തേവാസിയുടെ ചോദ്യം പിണറായിയിലും ചുറ്റും കൂടി നില്ക്കുന്നവരിലും ചിരി ഉളവാക്കി. സന്ദർശന വേളയിൽ എല്ലാവര്ക്കും മധുരം നല്കാനും അദ്ദേഹം മറന്നില്ല. അലത്തൂർ MP സ: P .K ബിജു., K .T  ജലീൽ MLA  ,സ: K രാധാകൃഷ്ണൻ MLA ,  സ: M .V  ഗോവിന്ദൻ മാസ്റ്റർ ,ജില്ലാ സെക്രട്ടറി സ: A . C മൊയ്ദീൻ , വടക്കാഞ്ചേരി നഗരസഭ വൈസ് . ചെയർമാൻ സ: അനൂപ്‌ കിഷോർ എന്നിവരും  സ: പിണറായി വിജയനെ  അനുഗമിച്ചിരുന്നു.